Fréttasafn

Hópur á vegum Landssamtaka lífeyrissjóða, sem undanfarið hefur unnið að því að rýna þær breytingar sem nýjar reglur um persónuvernd munu hafa á starfsemi lífeyrissjóða, kynnti niðurstöður sínar í dag.

Næsta undirbúningsnámskeið vegna hæfismats FME verður haldið 8. - 25. maí nk. Síðasti skráningardagur er 25. apríl og fer skráning fram á "mínar síður" á heimasíðu Félagsmálaskóla alþýðu.

Landssamtök lífeyrissjóðu stóðu nýverið fyrir kynningu á niðurstöðum starfshóps forsætisráðherra um hlutverk lífeyrissjóða í atvinnulífinu. Hagfræðistofnun fjallaði í skýrslunni um umsvif lífeyrissjóða í íslensku efnahagslífi og er umfjöllun um málið á Lífeyrismál.is.

LL minna á tvo viðburði á vegum samtakanna í næstu viku: Kynningu á þeim breytingum sem nýjar reglur um persónuvernd munu hafa á starfsemi lífeyrissjóða á Grandhóteli nk. þriðjudag 30. janúar kl. 10-12 og á málþingið "Mótun lífeyriskerfa. Hvað getum við lært af alþjóðasamfélaginu?" sem verður haldið nk. fimmtudag 1. febrúar á Reykjavík Natura, sal eitt, kl. 9:30 - 12:00. Skráning á báða viðburði á Lífeyrismál.is.

Starfshópurinn kynnti efni skýrslunnar á fundi sem LL stóðu fyrir á Grandhóteli 24. janúar 2018.

Yfirlýsing frá stjórn Landssamtaka lífeyrissjóða. Í lok síðustu viku birti forsætisráðuneytið skýrslu um umsvif lífeyrissjóða í íslensku efnahagslífi, en hún var unnin af starfshópi sem forsætisráðherra skipaði um mitt síðasta ár. Stjórn Landssamtaka lífeyrissjóða lýsir ánægju með þá samantekt sem nú liggur fyrir, en hún er þarft innlegg í umræðu um stöðu íslenskra lífeyrissjóða. Meira á Lífeyrismál.is.

Komin er út skýrsla um umsvif lífeyrissjóða í íslensku efnahagslífi, ásamt greinargerð frá Hagfræðistofnun og álitsgerð frá Landslögum um áhrif lífeyrissjóða á samkeppni. Skýrslan er afrakstur starfshóps sem skipaður var af forsætisráðherra, í samráði við ráðherranefnd um efnahagsmál. LL standa nú fyrir kynningu fyrir starfsmenn og stjórnarmenn lífeyrissjóða á helstu niðurstöðum skýrslunnar þann 24. janúar kl. 9:30-11:00 á Grandhóteli, salnum Hvammi. Skráning nauðsynleg.

Viðtal Lífeyrismála við Ólaf Sigurðsson, framkvæmdastjóra Birtu lífeyrissjóðs um Alþjóðabankann og lífeyrissjóðakerfið. Ólafur verður einn frummælenda á málþingi Landssamtaka lífeyrissjóða á Reykjavík Natura 1. febrúar nk.

Vinnuhópur á vegum LL hefur undanfarið unnið að því að rýna þær breytingar sem nýjar reglur um persónuvernd munu hafa á starfsemi lífeyrissjóða. LL boða hér með til fundar á Grandhóteli þriðjudaginn 30. janúar kl. 10-12 þar sem hópurinn mun kynna vinnu sína. Fundurinn er ætlaður starfsfólki og stjórnarmönnum lífeyrissjóða. Skráning er nauðsynleg.

Fjármálavit hefur tekið saman skemmtilegan annál yfir starfsemina á árinu.