Almenni lífeyrissjóðurinn er opinn þeim sem geta valið sér lífeyrissjóð en er að auki starfsgreinasjóður fyrir 5 starfsgreinar, arkitekta, leiðsögumenn, lækna, tæknifræðinga og tónlistarmenn. Þriðjungur af skylduiðgjaldi fer í erfanlega séreign hjá Almenna.
Birta lífeyrissjóður er opinn öllum, sem ekki eiga skylduaðild að öðrum lífeyrissjóði.
Sjóðurinn er hefðbundinn starfsgreinasjóður sem félagar tiltekinna stéttarfélaga eiga skylduaðild að
Brú lífeyrissjóður starfsmanna sveitarfélaga er fyrir fólk sem starfar hjá sveitarfélögunum og er með aðild að BHM, BSRB og KÍ. Sjóðurinn er með þrjár samtryggingardeildir, A deild, B deild og V deild, sem er opin öllum. Hann rekur einnig Lífeyrissjóð starfsmanna Reykjavíkurborgar.
EFÍA er eftirlaunasjóður Félags íslenskra atvinnuflugmanna. Sjóðurinn er opinn öllum félagsmönnum FÍA. Eignastýring Arion banka annast rekstur og eignastýringu lífeyrissjóðsins.
Festa lífeyrissjóður varð til í kjölfar sameininga Lífeyrissjóða Suðurnesja, Suðurlands og Vesturlands. Starfssvæði Festu lífeyrissjóðs er Vesturland, Suðurland og Suðurnes. Sjóðurinn er opinn almennu launafólki og sjálfstætt starfandi einstaklingum sem búa á framangreindum starfssvæðum.
Frjálsi er góður kostur fyrir bæði skyldu- og viðbótarsparnað og hentar þeim sem vilja að lífeyrissparnaðurinn sinn erfist. Frjálsi sameinar kosti samtryggingar og séreignar en séreignarhluti skyldusparnaðarins veitir sjóðfélögum aukinn sveigjanleika í útgreiðslum.
Gildi er þriðji stærsti lífeyrissjóður landsins. Sjóðurinn rekur bæði lögbundna samtryggingar-
deild og séreignardeild. Gildi varð til við sameiningu Lífeyrissj. Framsýnar og Lífeyrissj. sjómanna og síðar sameinaðist Lífeyrissj. Vestfirðinga Gildi. Ellefu félög eiga aðild að sjóðnum en öllum er heimilt að greiða í hann.
Íslenski lífeyrissjóðurinn er opinn öllum sem hafa val um hvert þeir greiða í lífeyrissjóð. Sjóðurinn gefur meiri mögulega á séreignasöfnun en hefðbundinn lífeyrissjóður. Sjóðurinn hentar bæði fyrir þá sem greiða skylduiðgjald og þá sem greiða í viðbótarlífeyrissparnað. Sjóðurinn er með rekstrarsamning við Landsbankann.
Lífeyrissjóður bankamanna er einn elsti starfandi lífeyrissjóður landsins, stofnaður árið 1929. Aðildarfélög sjóðsins eru Landsbankinn, Seðlabanki Íslands, Reiknistofa bankanna, Samtök starfsmanna fjármálafyrirtækja og Valitor. Sjóðurinn rekur tvær deildir, Hlutfallsdeild og Aldursdeild.
Lífeyrissjóður bænda tók til starfa 1. janúar 1971. Sjóðurinn er opinn öllum launþegum og sjálfstætt starfandi einstaklingum en er þar að auki starfsgreinasjóður bænda, maka þeirra og þeirra sem starfa að landbúnaði.
Lífeyrissjóður Rangæinga er samtryggingar-sjóður stofnaður 12. janúar1971. Aðildarfélög eru Verkalýðsfélag Suðurlands (Vlfs), Félag iðn- og tæknigreina (Fit) og Samtök atvinnulífsins (Sa). Eignastýring Arion banka annast rekstur og eignastýringu fyrir sjóðinn. Aðsetur hans er að Suðurlandsvegi 3, 850 Hellu.
Sjóðfélagar eru allir starfsmenn Akureyrarbæjar og stofnana hans sem ráðnir voru til starfa fyrir 1. janúar 1999, en þá var sjóðnum lokað. Stapi lífeyrissjóður sér um rekstur Lífeyrissjóðs starfsmanna Akureyrarbæjar í samræmi við samning milli sjóðanna þar um.
Sjóðfélagar í Lífeyrissjóði starfsmanna Búnaðarbanka Íslands eru starfsmenn Búnaðarbanka Íslands. Sjóðurinn er hlutfallssjóður og hefur verið lokaður fyrir nýjum sjóðfélögum frá árinu 1998.
Lífeyrissjóður starfsmanna Reykjavíkurborgar er fyrir starfsfólk Reykjavíkurborgar sem starfaði hjá borginni fyrir 1998, en þá var sjóðnum lokað fyrir nýliðun. Hann hefur síðan verið í rekstri hjá Brú lífeyrissjóði.
LSR er stéttarfélagstengdur lífeyrissjóður fyrir opinbera starfsmenn sem tryggir sjóðfélögum sínum víðtæk réttindi við starfslok, örorku og fráfall. LSR annast einnig umsýslu fyrir ESÚÍ.
Lífeyrissjóður verzlunarmanna var stofnaður 1956. Sjóðurinn er opinn öllum launþegum sem starfa samkvæmt kjarasamningi VR og nokkurra annarra stéttarfélaga, þeim sem geta valið um aðild að lífeyrissjóði sem og öllum sjálfstætt starfandi.
Lífeyrissjóður Vestmannaeyjar hefur starfað frá árinu 1970 og rekur í dag lögbundna samtryggingardeild og séreignardeild. Sjóðurinn er fyrir þá sem tilheyra stéttarfélögum honum tengdum en er öllum opinn.
Lífsverk er opinn lífeyrissjóður fyrir háskólamenntaða og háskólanema. Þau sem hafa lokið grunnnámi úr háskóla eða eru í háskólanámi geta sótt um aðild að sjóðnum. Allir geta greitt viðbótarsparnað til Lífsverks.
Starfssvæði Stapa lífeyrissjóðs nær frá Hrútafirði í vestri að Skeiðarársandi í austri, sjóðurinn nær þannig til allra byggðakjarna á Norður- og Austurlandi. Sjóðfélagar eru almennt launafólk á þessu svæði úr ýmsum atvinnugreinum.
SL lífeyrissjóður er opinn sjóður ætlaður öllum launþegum og sjálfstætt starfandi einstaklingum sem eiga ekki kjarasamningsbundna aðild að öðrum sjóðum. Hann getur því verið góður kostur fyrir þá sem þurfa að velja sér lífeyrissjóð. Sjóðurinn byggir á samtryggingu og séreign.
