Fréttir og á döfinni

LL standa fyrir tvískiptum hádegisfræðslufundi á Grandhóteli fimmtudaginn 23. nóvember. Í fyrri hlutanum fjallar Óli Freyr Kristjánsson, sérfræðingur hjá Arionbanka, um umboðsskyldu og ábyrgar fjárfestingar og í seinni hlutanum kynnir hagtöluhópur LL uppfærðar hagtölur lífeyrissjóðanna. Allir velkomnir en skráning er nauðsynleg.

Háskóli Íslands, Landssamband eldri borgara og Landssamtök lífeyrissjóða standa að málstofu í Lögbergi um ellilífeyriskerfi Belgíu föstudaginn 24. nóvember kl. 13:30 - 15:00. Dr. Hans Peeters, sérfræðingur í lífeyrismálum hjá Belgian Federal Planning og Jay Schols flytja erindi. Stefán Halldórsson, verkefnastjóri hjá LL flytur erindi um íslenska lífeyriskerfið og lærdóm af erindum Belganna. Málstofustjóri er Þórunn Hulda Sveinbjörnsdóttir, formaður Landssambands eldri borgara. Allir velkomnir.

LL standa fyrir hádegisfræðslufundi með Ásgeiri Jónssyni, dósent við Hagfræðideild HÍ og forseta deildarinnar. Fundurinn er opinn öllum stjórnar- og starfsmönnum lífeyrissjóða, einkum þeim sem koma að sjóðfélagalánum. Skráning nauðsynleg. Boðið verður upp á léttan hádegisverð.

Á vegum LL er starfandi vinnuhópur sem er að rýna þau atriði sem huga þarf að vegna væntanlegra breytinga á persónuverndarlöggjöfinni. Hópurinn hefur nú lokið sinni fyrstu yfirferð og verða kaflar úr greinargerð hópsins sendir framkvæmdastjórum sjóðanna til frekari rýni og óskað eftir athugasemdum.

"Við vörpum ljósi á lífeyrismálin" er auglýsing fyrir Lífeyrismál.is sem prýða mun baksíðu Bókatíðinda í ár. Bókatíðindum verður dreift inn á hvert heimili í næstu viku.

„Ég tala ekki gegn skerðingum sem slíkum en þeim þarf að beita af skynsemi. Þessar tilteknu skerðingar eru alltof harkalegar og lífeyririnn er þess utan of lágur.“ segir Harpa Njáls í viðtali við Lífeyrismál.is

„Íslenskum lífeyrissjóðum ber skylda til þess lögum samkvæmt að setja sér siðferðileg viðmið í fjárfestingum. Þeir eiga að líta á það sem tækifæri og áskorun en ekki ógnun og ættu að tileinka sér viðhorf erlendra sjóða sem taka til dæmis loftslags- og umhverfismál alvarlega í fjárfestingunum með góðum árangri.“

Skrifstofu- og stjórnunarkostnaður lífeyrissjóða á Íslandi var tæplega 6,4 milljarðar króna árið 2016 samkvæmt samantekt Fjármálaeftirlitsins. Samanlagðar eignir sjóðanna voru um 3.300 milljarðar króna í árslok 2016.

Því er oft haldið fram að vegna ávöxtunarviðmiðs lífeyrissjóðanna séu vextir háir á Íslandi. Þetta byggir á misskilningi en fullyrða má að sjóðirnir hafi gegnt lykilhlutverki í að efla sparnað og stuðla að lækkun langtímavaxta á markaði með kaupum á markaðsskuldabréfum og lánum til sjóðfélaga. Það sést best þegar kjör á lánum til húsnæðiskaupa eru borin saman. Vextir sem lífeyrissjóðirnir bjóða sínum sjóðfélögum á slíkum lánum eru þeir lægstu á markaðinum í dag.

LL stóðu fyrir fyrirlestri um ábyrgar fjárfestingar á á Grandhóteli 19. október 2017.