Andrés Tómasson fær rannsóknarstyrk LL

Á aðalfundi Landssamtaka lífeyrissjóða sem haldinn var fyrir nokkru var úthlutað rannsóknarstyrki að fjárhæð 600.000 kr. Að  þessu sinni hlaut styrkinn Andrés Tómasson fyrir meistaraprófsritgerð við Háskóla Íslands, sem hann vinnur að.

Rannsóknarspurning ritgerðarinnar er: Hvað einkennir samsetningu íslenska lífeyriskerfisins og hvernig er samsetning þess í samanburði við lífeyriskerfi valinna OECD ríkja? 

Markmið ritgerðarinnar er að draga fram sérkenni íslenska lífeyrissjóðakerfisins í samanburði við önnur OECD ríki.   Til nánari greiningar eru fimm af aðildarríkjum OECD tekin til nánari skoðunar með það að markmiði að greina í smáatriðum lífeyriskerfi þeirra.  Umrædd ríki eru:  Bandaríkin, Bretland, Noregur, Frakkland og Holland.

Meginþættir sem litið er til eru eftirfarandi:

1. Er lífeyriskerfi viðkomandi þjóðar þriggja stoða?
2. Hvernig samræmist lífeyriskerfið forskrift Alþjóðabankans frá 1994 um æskilega samsetningu lífeyriskerfa?
3. Hvert er vægi einstakra stoða innan lífeyriskerfisins og hversu mikill er uppsafnaður lífeyrissparnaður í hlutfalli við verga landsframleiðslu þjóðarinnar?
4. Hvaða áhrif hafa opinberir ríkisfjárfestingarsjóðir á stöðu lífeyrismála, t.d. Norski Olíusjóðurinn.
5. Hvernig er uppbygging og staða íslenskra lífeyrissjóða í samanburði við stöðu mála meðal OECD ríkja.

Þá mun Andrés sérstaklega rannsaka  áhrif efnahagshrunsins á lífeyrissjóðina hér á landi og í samanburðarríkjunum.