Séreignarlífeyrir hefur aðeins áhrif á framfærsluuppbót

Í Morgunblaðinu var frétt 2. október um að séreignarsparnaður komi til skerðingar á lífeyri almannatrygginga. Rétt þykir að árétta að séreignarlífeyrir hefur eingöngu áhrif við útreikning sérstakrar framfærsluuppbótar sem hefur þann tilgang að tryggja lífeyrisþegum lágmarksframfærslu.

Vegna fréttarinnar þykir rétt að taka fram að sérstakri framfærsluuppbót er ætlað að tryggja lífeyrisþegum mánaðarlegan lágmarkslífeyri. Fjárhæðin er mismunandi eftir því hvort fólk býr eitt eða er í sambúð. Allar tekjur hafa áhrif á framfærsluuppbótina. Þegar metið er hvort lífeyrisþegi eigi rétt á þessari sérstöku uppbót eru eftirfarandi viðmið notuð:

• Lífeyrisþegi sem er með heimilisuppbót og heildartekjur undir 203.005 kr. á mánuði.
• Lífeyrisþegi sem ekki er með heimilisuppbót og heildartekjur undir 174.946 kr. á mánuði.
• Allar skattskyldar tekjur hafa áhrif við útreikning uppbótar til framfærslu og lækka bæturnar 100%.

---

Hjá þeim sem hafa tekjur yfir ofangreindum viðmiðum og fá greiddan séreignarlífeyri eru áhrif engin á ellilífeyri almannatrygginga. Skerðing vegna uppbótarinnar fellur niður ef tekjur (allar skattskyldar tekjur, einnig greiðslur almannatrygginga og félagslegrar aðstoðar) fara yfir 73.064 kr. fyrir einstakling og 62.261 kr. fyrir hjón.