Mjög góð ávöxtun 2006 hjá Almenna lífeyrissjóðnum.
Ávöxtunarleiðir Almenna lífeyrissjóðsins skiluðu allar mjög góðri ávöxtun árið 2006. Þessi góða ávöxtun skýrist af hækkun á innlendum og erlendum hlutabréfum. Heimsvísitala erlendra hlutabréfa hækkaði um 20,1% í dollurum en um 36,6% í íslenskum krónum þar sem íslenska krónan veiktist um 13,8% gagnvart dollar. Vísitala aðallista Kauphallar Íslands hækkaði um 15,2% á síðasta ári.
Ávöxtun skuldabréfa sjóðsins var hins vegar lág þar sem sjóðurinn metur skuldabréfin á markaðsverði. Viðmiðunarvísitala skuldabréfa Ævisafna I og II hækkaði um 7,5% á árinu sem er einungis um 0,5% umfram hækkun vísitölu neysluverðs.
|
Ávöxtunarleið |
Nafn-ávöxtun % |
Raun-ávöxtun % |
Eignir, ma.kr. |
Fjárfestingarstefna |
|
Ævisafn I |
21,8 |
13,8 |
16,6 |
80% hlutabréf, 20% skuldabréf |
|
Ævisafn II |
20,3 |
12,5 |
42,0 |
50% hlutabréf, 50% skuldabréf |
|
Ævisafn III |
13,8 |
6,4 |
9,6 |
20% hlutabréf, 80% skuldabréf |
|
Ævisafn IV |
12,0 |
4,7 |
1,4 |
100% skuldabréf |
|
Tryggingadeild |
21,2 |
13,4 |
7,5 |
50% hlutabréf, 50% skuldabréf |
|
Lífeyrisdeild |
9,9 |
2,7 |
5,7 |
100% skuldabréf |
Lífeyrisdeild greiðir ævilangan ellilífeyri til sjóðfélaga og ávaxtar eignir sínar í skuldabréfum. Raunávöxtun safnsins var 2,7% ef skuldabréfin eru metin miðað við markaðsvexti. Ef skuldabréfin eru metin á kaupkröfu eins og flestir aðrir lífeyrissjóðir gera var raunávöxtun safnsins 5,7% (nafnávöxtun 13%).
Í árslok 2006 námu heildareignir Almenna lífeyrissjóðsins 82,7 milljörðum króna og stækkaði sjóðurinn því um 18,7 milljarða eða um 29% á árinu. Sjóðfélagar í árslok voru 29.446 og fjölgaði þeim um 4.389.
Meginmál]
