Lífeyrissjóður bankamanna í Danmörku tilkynnir nettótap upp á 23,1%

DANMÖRK - Danski lífeyrissjóðurinn Bankpension, sjóður starfsmanna í fjármálageiranum, hefur tilkynnt um  „gjörsamlega óviðunandi“ afkomu sína á síðasta ári, tap upp á 23,1%  .

Í ársskýrslu fyrir 2008 má sjá að Bankpension tapaði 38,9 % á hlutabréfaeign sinni, hagnaðist um 6,9% á skuldabréfum en tapaði  37,2 % á öðrum fjárfestingum.

Bankpension-sjóðurinn er tæplega 11 milljarða DKK virði. Nettótap hans var um 19 milljónir DKK þrátt fyrir að sjóðfélögum hefði fjölgað umtalsvert á árinu og að almennar vergar tekjur hefðu aukist úr 614 milljónum í  684 milljónir DKK.

Í nýrri ársskýrslu er ekki gert ráð fyrir miklum breytingum á starfsemi sjóðsins á árinu 2009 og Bankpension býst ekki við því að fjárfestingar skili neinum arði þegar á heildina er litið.

Byggt á IPE.com.