Eignir lífeyrissjóðanna 1.658 milljarðar í árslok 2008.

Samkvæmt efnahagsyfirliti lífeyrissjóða, sem Seðlabanki Íslands birtir mánaðarlega, þá námu eignir lífeyrissjóðanna 1.658 milljörðum króna í lok desember s.l., en voru 1.697 milljarðar króna í lok ársins 2007. Lækkunin nemur um 40 milljörðum króna eða um 2,3%.

Að raungildi er þó um mun meiri lækkun að ræða, þar sem vísitala neysluverðs hefur hækkað um 18,6% á umræddu tímabili.

Alls námu erlendar eignir lífeyrissjóðanna 474 milljörðum króna, sem er um 29% af heildareignunum. Sjóðfélagalán hafa aukist um 35 milljarða króna og eru nú um 10% af heildareignunum.   
Þá vekur athygli að lífeyrissjóðirnir eiga inni í reiðufé í bönkunum alls um 154 milljarða króna, sem er um 9,3% af heildareignunum, enda hafa lífeyrissjóðirnir kosið að ávaxta stærstan hluta nýrra iðgjalda í innlánum, enda óvissa mikil á markaði og ávöxtun á innlánsreikningum afar góð.

Sjá hér nánar efnhagsyfirlit lífeyrissjóða 31. desember 2008.