Eignir lífeyrissjóðanna 1.200 milljarðar króna um síðustu áramót.

Tæplega 22% aukning varð á eignum lífeyrissjóðanna milli áranna 2004 og 2005. Eignir í árslok 2004 námu alls 987 milljörðum króna en 1.200 milljörðum króna í árslok á síðasta ári. Aukningin í krónutölu var hvorki meira en minna en um 213 milljarðar króna. Mesta auknngin var í innlendum hlutabréfum eða rúmlega 45%, en þar næst í erlendum verðbréfum eða rúmlega 36%. Erlend verðbréfaeign lífeyrissjóðanna nam um síðustu áramót um 24,7% af heildareignum sjóðanna. Athygli vekur að sjóðfélagalánin jukust um tæplega 9% á síðasta ári eða um tæplega 8 milljarða króna og eru nú um 7,9% af eignum sjóðanna. Seðlabanki Íslands tók saman þessar upplýsingar.