Almenni lífeyrissjóðurinn og Lífeyrissjóður lækna sameinast um næstu áramót.

Sjóðfélagar í Almenna lífeyrissjóðnum samþykktu á sjóðfélagafundi 29. nóvember s.l. tillögu stjórnar um að sjóðurinn sameinist Lífeyrissjóði lækna um næstu áramót. Sjóð­félagar Lífeyrissjóðs lækna höfðu áður samþykkt sambærilega tillögu í póstkosningu sem fram fór í október. Sjá frekari frétt hér á síðunni þann 14. nóvember s.l.

     Heiti sameinaðs sjóðs er Almenni lífeyrissjóðurinn og verður hann 5. stærsti lífeyrissjóður landsins. Heildareignir verða rúmlega 60 milljarðar kr. og skráðir sjóðfélagar verða í kringum 25.000. Rekstraraðili sjóðsins er Eignastýring Íslandsbanka.
     Aðild að Almenns lífeyrisjóðnum er öllum opin en jafnframt er sjóðurinn starfs­greinasjóður arkitekta, leið­sögumanna, lækna, tónlistarmanna og tæknifræðinga. Sjóð­félagar geta valið á milli fjögurra Ævisafna, sem hvert er með mismun­andi ávöxtun og áhættu.
     Lífeyrissjóður lækna var stofnaður 1965 og hafði starfað í núverandi mynd í 40 ár. Aðrir sjóðir sem hafa sam­einast í Almenna lífeyrissjóðinn eru Lífeyrissjóður arkitekta stofnaður 1967, Lífeyrissjóður starfsmanna SÍF stofnaður 1968, Lífeyrissjóður FÍH stofnaður 1970, Lífeyrissjóður Félags leiðsögumanna stofnaður 1977, Lífeyrissjóður Tæknifræðingafélags Íslands stofnaður 1965 og ALVÍB stofnaður 1990.