Að gefnu tilefni vegna Glitnismálsins

Ýmsar spurningar hafa vaknað hjá félögum í lífeyrissjóðum í framhaldi af ákvörðun ríkisstjórnarinnar um að ríkið eignist 75% hlut í Glitni. Eðlilegt er að spurt sé um möguleg áhrif þessa á samtals um 5,5% eignarhluti lífeyrissjóða í bankanum, sem svarar til um 13 milljarða króna á gengi föstudagsins 26. september 2008. 

1.     Breytt eignarhald Glitnis hefur eitt og sér hvorki áhrif á rekstur lífeyrissjóða né  lífeyrisréttindi  sjóðfélaga.

2.     Ástand á fjármálamörkuðum yfirleitt er meira áhyggjuefni en tíðindin af Glitni.

3.     Lífeyrissjóðir meta áhrif af heildarfjárfestingum sínum og einstökum fjárfestingum til langs tíma. Hvað varðar eignarhluti í Glitni er ótímabært að meta hverju þeir muni skila þegar til lengri tíma er litið.

4.     Fjárfestingastefna lífeyrissjóða er í stöðugri endurskoðun, ekki síst á þeim tímum þegar óvenjulegt ástand ríkir á fjármálamörkuðum.