3 stærstu lífeyrissjóðirnir með um 50% af heildareignum. LSR stærsti sjóðurinn.

Samkvæmt athugun sem Landssamtök lífeyrissjóða hafa unnið upp úr ársreikningum lífeyrissjóðanna námu heildareignir sjóðanna um 1.500 milljörðum króna í árslok 2006. Aukningin nam um 23% en eignir sjóðanna mældust um 1.220 milljarðar króna í árslok 2005. 
Lífeyrissjóður starfsmanna ríkisins er stærsti sjóðurinn með eignir sem nema rúmlega 282 milljörðum króna. Fast á hæla hans koma Lífeyrissjóður verzlunarmanna með 240 milljarða eign og Gildi lífeyrissjóður með eignir upp á rúmlega 215 milljarða króna. Alls nema eignir þessara sjóða um 738 milljarða króna eða um 50% af heildareignum sjóðanna.

Eignir 10 stærstu lífeyrissjóðanna er um 1.227 milljarðar króna eða um 82% af heildareignum.

Röð 10 stærstu sjóðanna er þessi:

1.    Lífeyrissjóður starfsmanna ríkisins   282.260 m.kr.
2.    Lífeyrissjóður verzlunarmanna            240.349 m.kr.
3.    Gildi lífeyrissjóður                                    215.411 m.kr.
4.    Sameinaði lífeyrissjóðurinn                    88.373 m.kr.
5.    Stapi lífeyrissjóður                                    83.890 m.kr.
        (áður Lsj. Norðurlands og Lsj. Austurlands) 

6.    Almenni lífeyrissjóðurinn                        83.243 m.kr.
7.    Stafir lífeyrissjóður                                   74.710 m.kr.
8.    Frjálsi lífeyrissjóðurinn                            59.614 m.kr.
9.    Söfnunarsjóður lífeyrisréttinda             50.925 m.kr.
10.  Festa lífeyrissjóður                                   48.534 m.kr.