30.489 einstaklingar tóku þátt í viðbótarlífeyrissparnaði í fyrra.

Samkvæmt upplýsingum frá embætti Ríkisskattstjóra greiddu rúmlega 30 þúsund manns 2% aukaframlag í viðbótarlífeyrissparnað á síðasta ári. Þátttakan í frjálsum lífeyrissparnaði var því rúmlega 20% af þeim sem höfðu launatekjur í fyrra. Er það heldur minni þátttaka en fram kom í könnun sem gerð var fyrir fjármálaráðuneytið í vetur sem leið.

Í könnun sem sem fyrirtækið PriceWaterhouseCoopers gerði í ársbyrjun fyrir fjármálaráðuneytið á þátttöku almennings í viðbótarlífeyrissparnaði kom fram að rúmlega 27% þjóðarinnar höfðu þá nýtt sér möguleikann á tveggja prósenta viðbótarsparnaðinum. Svo virðist að rétt tala fyrir síðasta ár hafi verið um 20%, því rúmlega 150 þúsund manns greiddu hin almennu skylduiðgjöld til lífeyrissjóða á síðasta ári og framteljendur sem greiddu 2% aukaframlag voru rúmlega 30 þúsund eins og áður segir. Greiðslur úr lífeyrissjóðum námu um 16 miljörðum króna á síðasta ári, sem er um 14% aukning frá árinu 1998. Rúmlega 33 þúsund framteljendur fengu geiddan lífeyri frá lífeyrissjóðunum en bætur frá Tryggingastofnun ríkisins fengu tæplega 48 þúsund manns.