Tvær konur gegna æðstu forystustörfum lífeyrissjóðakerfis landsmanna
29.05.2018
Fréttir
Guðrún Hafsteinsdóttir nýr formaður stjórnar LL
Guðrún Hafsteinsdóttir, formaður Samtaka iðnaðarins og stjórnarformaður Lífeyrissjóðs verzlunarmanna, tók í dag við formennsku stjórnar Landssamtaka lífeyrissjóða í stað Þorbjörns Guðmundssonar sem óskaði eftir því að hætta í stjórn samtakanna á ársfundi þeirra. Þorbjörn hefur lengi starfað fyrir lífeyrissjóðina sem hafa notið starfskrafta hans og elju og eru honum færðar innilegar þakkir.
Guðrún er fyrsta konan í formannsstóli Landssamtaka lífeyrissjóða frá því þau voru stofnuð 18. desember 1998.
Framkvæmdastjóri Landssamtaka lífeyrissjóða frá 2011 er Þórey S. Þórðardóttir. Í fyrsta sinn gegna því konur báðum æðstu forystustörfum lífeyrissjóðakerfis landsmanna.
