Robert Z. Aliber fjallar um erlendar fjárfestingar lífeyrissjóða
03.06.2024
Mánaðarpóstur LL
Í fyrirlestri sínum mun Aliber fjalla um tengsl erlendra fjárfestinga lífeyrissjóða og mynsturs viðskiptahalla og viðskiptaafgangs í heiminum og hvernig afgangur á viðskiptum eins lands skapar halla í viðskiptum annarra landa. Hann mun leitast við að svara þeirri spurningu hvort þjóðir Vesturlanda, sem horfa fram á fjölgun fólks á lífeyrisaldri, geti fjármagnað fyrirséða aukningu lífeyrisgreiðslna með erlendum fjárfestingum og hvaða erfiðleika slíkar fjárfestingar geta skapað í alþjóðahagkerfinu.
Umræður í lokin
Að loknum fyrirlestri Alibers munu Már Guðmundsson, fyrrverandi seðlabankastjóri, og Lúðvík Elíasson, yfirmaður rannsókna- og spádeildar Seðlabanka Íslands, ræða um efni fyrirlestursins. Slóð á heimasíðu PRICE.
